2024-09-26, 9:48 am
من طرف #بيعاند_ف_حرفي
عايز يشبك قلبه ف قلبي
عايز يمشي على سطري
يضم كلامي جواه
و يكسر خوفي و يعدي
بحور الشعر و الحكايات
و يحكي معايا في نثري
عايز قافية لكل غرام
و فوضى الحب في العبارات
و ترحال المعاني هناك
تضاد و ضمير و ماضي و آت
ومين في كلامي يكون نصبي
ومين على الرأس يكون مرفوع
ومين مجرور
و مين تابع و مين متبوع
عايز يجاورني في حركاتي
عايز أكون كتاب مفتوح
عايز يعشق آنين بوحي
و اسم اشارة للمنزوح
و خبر يحكي دموع لزمان
و فعل مشين و فاعل حر
و مفعول بيه دموعه مر
عايز معجم لخطاوية
عايز تفسير لعلاماتي
عايزني أكون من نبضه
أضم معاه صوت حلمه
و اطوف بخياله و بذهنه
أكون صوره لحب و كان
#وسام_القاضي
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق